Top header icons

Ábendingar Fyrir starfsfólkHrafnista á Facebook

 
 

Tilkynning  til dagdvalargesta vegna COVID-19

Dagdvalir Hrafnistu eru opnar þeim dagdvalargestum sem kjósa að mæta. Gestir sem mæta eru nú flestir fullbólusettir og starfsfólk dagdvala og Hrafnistu er að ljúka seinni bólusetningu á næstu vikum. Stjórnendur dagdvala Hrafnistu fá upplýsingar um sóttvarnarreglur og breytingar á þeim frá neyðarstjórn Hrafnistu. Aðilar í neyðarstjórninni eru í samstarfshópi á vegum Almannavarna, sóttvarnarsviðs Embættis landlæknis og heilbrigðisráðuneytisins, en sá hópur hefur unnið að því að semja og uppfæra leiðbeiningar  til hjúkrunarheimila og dagdvala síðan COVID faraldurinn hófst.
Á Hrafnistu er farið eftir sóttvarnarreglum s.s. handþvotti, handsprittun og þrifum á snertiflötum og lögð er áhersla á það við dagdvalargesti og starfsmenn að koma alls ekki í dagdvölina ef viðkomandi er með minnstu einkenni sem gætu bent til COVID s.s. kvef, hita, hósta, hálsbólgu, slappleika, höfuðverk, beinverki, vöðvaverki eða einkenni frá meltingarvegi. Einnig hafa verið gerðar ráðstafanir með fjarlægð á milli gesta eins og hægt er, ásamt því að samgangur á milli dagdvala og hjúkrunarheimilis er ekki leyfður enn sem komið er. Þegar frekari breytingar verða á ofangreindum reglum verða þær upplýsingar settar inn á heimasíðu Hrafnistu.

Dagdvölin á Hrafnistu Boðaþingi er ætluð þeim sem eru 67 ára og eldri og búa í Kópavogi.  Opið er alla virka daga milli kl. 08:00 - 16:00. Gestir greiða ákveðið daggjald. Akstur er í boði til og frá heimilinu. Markmið dagdvalar er að viðhalda sjálfstæði einstaklingsins og rjúfa félagslega einangrun aldraðra.

Hrafnista Boðaþing hefur leyfi fyrir 30 rýmum í dagdvöl. Deildarstjóri er Lilja Kristjánsdóttir. Beinn sími deildarstjóra er 531 4014. 

Umsókn um dagdvöl má nálgast hér.

 

 

 

 

 

 

 

 

Til baka takki

Fótur - kpv

 Hrafnista Boðaþing ~ Sími 531 4000 ~  Boðaþingi 5-7 ~ 203 Kópavogi ~ kt. 480210-2040 ~ hrafnista@hrafnista.is

 

 

 

 

Þessi vefsíða notar kökur (cookies). Með því að halda áfram að nota vefinn, samþykkir þú þessa virkni vefsins.
Samþykkja kökur