Ísafold - Garðabæ

Ísafold tók fyrst til starfa í apríl 2013 en þann 1. febrúar 2017 tók Hrafnista við rekstri Ísafoldar og er heimilið rekið af Sjómannadagsráði.

Á Hrafnistu Ísafold eru hjúkrunarrými fyrir 60 íbúa þar sem veitt er sólarhrings hjúkrunar- og læknisþjónusta

Inntaka íbúa fer fram í gegnum Færni- og heilsumat Landlæknisembættisins

Önnur skammtímarými er dagdvöl en Hrafnista Ísafold er með leyfi fyrir 16 almennum rýmum og 4 sértækum rýmum, þ.e. fyrir einstaklinga með heilabilun.

Allar nánar upplýsingar um Hrafnistu Ísafold má finna í Handbókin þín - íbúar og aðstandendur

Þeir sem óska eftir frekari upplýsingum um heimilið er bent á að hafa samband við Selmu Dagbjörtu Guðbergsdóttur í netfangið selma.gudbergsdottir[hja]hrafnista.is

Aðstaðan

Við hönnun og uppbyggingu á Ísafold var horft til þess nýjsta í hönnun hjúkrunarheimila á Íslandi. Að auki var leitað í smiðju Svæðisskrifstofu um málefni fatlaðra. Öll herbergi eru einbýli. Hvert herbergi er um 35 fermetrar, sameiginlegt svefnherbergi og stofa auk baðherbergis og eldhúskróks, þar sem er innrétting með vaski en einnig er þar að finna sjúkrarúm, náttborð og fataskáp á hjólum, gardinukappa og rúllugluggatjöld. Einnig er á herbergjunum öryggiskallkerfi, tengingar fyrir síma, sjónvarp og tölvu. Heimilismenn útvega síðan sjálfir annan húsbúnað og gluggatjöld ef þeir óska eftir að gera heimili sitt ennþá heimilislegra.