Hraunvangur - Hafnarfirði

Hrafnista Hraunvangur ~ Sími 585 3000 ~ Hraunvangur 7 ~ 220 Hfj ~ This email address is being protected from spambots. You need JavaScript enabled to view it.

Hrafnista Hraunvangur í Hafnarfirði er stærsta öldrunarheimili landsins en það var tekið í notkun árið 1977. Jafnframt er þar starfrækt dagdvöl. Á heimilinu búa 199 heimilismenn. Í dagdvölinni eru 26 pláss sem einstaklingar nýta 2-5 daga í viku.

Á lóð heimilisins, við Hraunvang 1-3, eru 64 leiguíbúðir í eigu Naustavarar. Íbúar í leiguíbúðunum geta sótt ýmiskonar þjónustu til Hrafnistu.

Heimilið skipar stóran sess í hugum Hafnfirðinga og er jafnframt einn stærsti vinnustaðurinn í bæjarfélaginu.

Þeir sem óska eftir því að fá að skoða heimilið eða vilja fá frekari upplýsingar er bent á að senda tölvupóst á netfangið This email address is being protected from spambots. You need JavaScript enabled to view it.

Vinsamlegast athugið að þar sem Hrafnista er heimili þeirra sem þar dvelja er ekki hægt að skoða heimilið nema bóka tíma áður.

Inntaka íbúa á Hrafnistu Hraunvangi fer fram í gegnum færni- og heilsumatskerfi Landlæknisembættisins.

Umsókn um færni- og heilsumat

Hugmyndafræði

Markmiðið er að veita hjúkrun og umönnun miðað við þarfir hvers og eins, styrkja fólk til sjálfshjálpar og auðvelda þeim að aðlagast breyttum aðstæðum. Mikil áhersla er lögð á að starfsmenn kynnist vel heimilisfólki og kynni sér bakgrunn og lífssögu hvers og eins.

Einnig er áhersla lögð á að starfsfólk stuðli að vellíðan og öryggi á sem bestan hátt og standi vörð um sjálfsmynd og sjálfsvirðingu heimilismanna.

Fagfólk veitir hjúkrun allan sólarhringinn og læknar eru á sólarhringsvakt. Rík áhersla er lögð á að viðhalda góðum og styðjandi samskiptum við aðstandendur heimilismanna. Á deildinni starfa hjúkrunarfræðingar, sjúkraliðar, félagsliðar og starfsmenn í aðhlynningu. Á Hrafnistu í Hafnarfirði geta heimilismenn fengið fjölbreytta þjónustu og tekið þátt í ýmis konar starfsemi. Meðal þjónustu sem veitt er á heimilinu má nefna sjúkraþjálfun, iðjuþjálfun, fótsnyrtingu, hárgreiðslu, verslun, handavinnu og sálgæslu. Félags- og menningarstarf er í boði, auk þess sem guðsþjónustur og skemmtikvöld eru haldin reglulega.

Aðstaðan

Hrafnista Hraunvangur í Hafnarfirði er staðsett á fallegum stað í hrauninu í norðurbæ Hafnarfjarðar. Leitast er við að hafa umhverfi vistlegt og öruggt. Fólk flytur því með sína persónulegu muni á herbergi sín, eftir því sem kostur er. Rík áhersla er lögð á að aðstandendur og vinir heimilisfólks rækti samband sitt við ættingja sína á heimilinu.

Kaffihús

Sjá myndir

Kaffihús var opnað árið 2014 á Hrafnistu Hraunvangi. Þar geta heimilismenn nú tekið á móti aðstandendum og vinum í hlýlegu og notalegu umhverfi.

Deildarstjóri í borðsal og yfirmaður kaffihúss og eldhúss er Kristín Benediktsdóttir This email address is being protected from spambots. You need JavaScript enabled to view it. sími 664 9429.

Myndin hér til hliðar er frá opnun kaffihússins.

Frá opnun kaffihússins.

Top header icons

Hraunvangur - Hafnarfirði

Hugmyndafræði

Aðstaðan

Kaffihús

Til baka takki

Fótur - hfj