Hrafnista Boðaþing ~ Sími 531 4000 ~ Boðaþingi 5-7 ~ 203 Kópavogi ~ kt. 480210-2040 ~ This email address is being protected from spambots. You need JavaScript enabled to view it.
Hrafnista Boðaþing í Kópavogi tók til starfa í mars árið 2010. Sjómannadagsráð rekur heimilið líkt og önnur Hrafnistuheimili. Aðstaðan er framúrskarandi í rólegu og friðsælu umhverfi rétt við Elliðavatn í Kópavogi. Áfast við hjúkrunarheimilið er þjónustumiðstöðin Boðinn sem Kópavogsbær rekur. Þessi samrekstur gerir að verkum að heimilismenn geta notið alls hins besta sem í boði er í þjónustu við aldraða. Einnig er innangengt í öryggis- og þjónustuíbúðir sem Naustavör dótturfyrirtæki Sjómannadagsráðs rekur.
Þeir sem óska eftir upplýsingum um heimilið er bent á að hafa samband við Guðrúnu Lovísu Ólafsdóttur hjúkrunardeildarstjóra í gegnum netfangið This email address is being protected from spambots. You need JavaScript enabled to view it. eða skilja eftir skilaboð á skiptiborði í síma 531 4000.
Inntaka íbúa á Hrafnistu Boðaþingi fer fram í gegnum færni- og heilsumatskerfi Landlæknisembættisins.
Umsókn um færni- og heilsumat má nálgast HÉR
Hugmyndafræði
Hrafnista Boðaþing er rekin eftir danskri hugmyndafræði Lev og bo. Rík áhersla er lögð á sjálfsákvörðunarrétt og þátttöku íbúa. Starfsmenn taka það besta frá sjálfstæðri búsetu og sameina það öryggi hjúkrunarheimilis. Starfsfólk og íbúar vinna saman að því að skapa heimilislegt, hlýlegt og virkt samfélag. Hugmyndafræði Lev og bo kemur fram í mörgum þáttum í hönnun húsnæðisins í Kópavogi, hún birtist m.a. í því að stoðeiningar heimilisins, s.s. starfsmannaaðstaða, aðstaða fyrir félagsstarf, dagvistun, iðjuþjálfun og endurhæfingu ásamt ýmsu fleiru í starfsemi hjúkrunarheimila, eru ekki staðsettar á sjálfu heimilinu, heldur í þjónustumiðstöð sem er í sérbyggingu samtengdri húsnæði Hrafnistu.
Aðstaðan
Við hönnun og uppbyggingu á Hrafnistuheimilinu í Boðaþingi er mikið horft til Lev og bo. Að auki var leitað í smiðju Svæðisskrifstofu um málefni fatlaðra. Einnig voru önnur öldrunarheimili á Íslandi skoðuð svo og rannsóknir og kenningar í öldrunarfræðum. Á heimilinu í Kópavogi eru 44 íbúar á 4 deildum. Öll herbergi eru einbýli. Hvert herbergi er um 35 fermetrar, sameiginlegt svefnherbergi og stofa auk baðherbergis og eldhúskróks, þar sem er innrétting með ísskáp og vaski en einnig er þar að finna sjúkrarúm, náttborð og fataskáp, gardínukappa og rúllugluggatjöld. Einnig er á herbergjunum öryggiskallkerfi, tengingar fyrir síma, sjónvarp og tölvu. Heimilismenn útvega síðan sjálfir annan húsbúnað og gluggatjöld ef þeir óska eftir að gera heimili sitt ennþá heimilislegra.
Skoðaðu þrívíddarmynd af herbergi í Hrafnistu Boðaþingi með því að smella HÉR
