Föstudagsmolar

Föstudagsmolar eru vikulegur pistill sem forstjóri Hrafnistu skrifar með upplýsingum til starfsfólks um það sem er efst á baugi í starfsemi Hrafnistuheimilanna. Öðru hverju eru ýmsir úr stjórnendahópi Hrafnistu fengnir sem gestahöfundar föstudagsmola.
 
 
 
 

Föstudagsmolar 6. maí 2022 - María Fjóla Harðardóttir, forstjóri

Kæru samstarfsfélagar,

Sumarið hefst með Eurovision heima hjá mér. „Með hækkandi sól“ er ýmislegt að frétta á Hrafnistu. Hér er örlítið brot af því.

Skógarbær – fullgildur Hrafnistumeðlimur

Eins og fram hefur komið í fréttum þá tók Sjómannadagsráð við stjórn Skógarbæjar frá og með 1. maí 2022. Fyrir þann tíma sá Hrafnista aðeins um stjórn og rekstur Skógabæjar. Með þessu er Skógarbær nú fullgildur meðlimur Hrafnistu þar sem framtíðarsýn Sjómannadagsráðs gildir jafnframt fyrir það heimili sem önnur.

Einn hluti af framtíðarsýn okkar er að það skiptir okkur öll máli að húsnæði og umhverfi sé huggulegt og notalegt. Því verður áfram markvisst unnið að því að búa eins vel og hægt er að íbúum og starfsmönnum Skógarbæjar líkt og við leggjum metnað okkar í að gera á öðrum heimilum Hrafnistu.

Skóflustunga í Reykjanesbæ fyrir nýju 60 rýma hjúkrunarheimili

Í dag 6. maí 2022 verður skóflustunga tekin á Hrafnistu Nesvöllum í Reykjanesbæ að nýju 60 rýma hjúkrunarheimili sem mun tengjast núverandi 60 rýma hjúkrunarheimili. Hjúkrunarrýmin á Nesvöllum verða því 120 talsins, í það heila. Í dag eru 30 rými á Hlévangi sem Hrafnista rekur ásamt Nesvöllum og munu þau rými flytjast yfir á nýja heimilið þegar það er risið þannig að viðbótarfjöldi hjúkrunarrýma í Reykjanesbæ eru 30 talsins. Sjómannadagsráð, Hrafnista og Reykjanesbær vinna að undirbúning og byggingu heimilisins ásamt arkitektum THG, sambærilegt og gert var á Sléttuvegi, og erum við á Hrafnistu bæði ánægð og þakklát með það samstarf þar sem við vitum að með öflugu teymi sem valið er saman af þekkingu og reynslu kemur út afurð/heimili sem við getum verið stolt af.

Árshátíð

Mikið var ég ánægð með starfsmannahópinn okkar á dögunum þegar framkvæmdaráð Hrafnistu tók ákvörðun um að sleppa árshátíð í ár og hafa hana frekar á næsta ári. Í staðinn var ætlunin að halda gott partý núna í vor. En það var aldeilis ekki það sem þið flest voruð að hugsa og við í framkvæmdaráði erum svo þakklát fyrir að þið létuð í ykkur heyra. Ykkur langar í árshátíð árið 2022 og þá fáið þið að sjálfsögðu árshátíð sem haldin verður í haust. Ég treysti heldur engum betur en fulltrúum starfsmannafélaga Hrafnistu og fulltrúa framkvæmdaráðs til að sjá til þess að árshátíðin verði „geggjuð“! Vá hvað ég er allavega farin að hlakka til að hitta ykkur í því partýji. 

Eigið dásamlega helgi hvar sem þið eruð stödd.

 

Bestu kveðjur,

María Fjóla Harðardóttir,

Forstjóri Hrafnistu

 

 

Lesa meira...

Síða 13 af 314

Til baka takki