Fréttasafn

Í tilefni af 40 ára afmæli Iðjuþjálfafélags Íslands verður haldið tveggja daga afmælisþing á Hótel Örk, Hveragerði dagana 4. og 5. mars 2016.

Nánari upplýsingar um dagskrá og skráningu má finna á slóðinni http://www.ii.is/felagid/radstefna-2016/

Guðmunda Steingrímsdóttir, sjúkraliði, verður með fræðslu fyrir starfsfólk, heimilisfólk og dvalargesti Hrafnistu föstudaginn 19. febrúar nk. kl. 13:40 í samkomusalnum Helgafelli 4. hæð Hrafnistu í Reykjavík.

Fræðsluerindi dagsins er: Okkar eigin lífssaga.

Guðríður Sigurðardóttir, deildarstjóri á Sjávar- /Ægishrauni Hrafnistu í Hafnarfirði, hefur starfað á Hrafnistu í 25 ár. 

Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Árdís Hulda Eiríksdóttir forstöðumaður Hrafnistu í Hafnarfirði Guðríður og Pétur Magnússon forstjóri Hrafnistu. 

Saloua El. Madani, starfsmaður í aðhlynningu á Vitatorgi Hrafnistu í Reykjavík, hefur starfað á Hrafnistu í 10 ár. 

Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistu, Saloua og Josephine Ramos aðstoðardeildarstjóri á Vitatorgi.

Mikið var um dýrðir á Hrafnistuheimilunum í gær, á sjálfan Öskudaginn.

Á Hrafnistu í Reykjavík var slegið upp balli í Skálafelli þar sem DAS-bandið lék fyrir dansi og leikskólabörn komu í heimsókn. Í Hafnarfirðinum var tjúttað og  kötturinn m.a. sleginn úr tunnunni.

Starfsfólk Hrafnistu klæddi sig upp í búninga og heimilisfólk setti upp hatta þannig að úr varð skemmtilega stemning á öllum heimilunum.

Myndirnar frá gærdeginum tala sínu máli.

Föstudaginn 5. febrúar var haldið þorrablót á Hrafnistu í Hafnarfirði við mikinn fögnuð. Laddi sá um veislustjórn með Hjört Howser sér við hlið og eftir matinn var slegið upp balli með Hauki Ingibergssyni. Í ár stóðu meðlimir úr stjórn félagsstarfs eldri borgara í Hafnarfirði fyrir minni karla og kvenna. Loftur Magnússon, varaformaður, fór með minni kvenna og Þórdís B. Kristinsdóttir, meðstjórnandi, með minni karla. Auður Harpa danskennari hóf svo ballið með danssýningu ásamt flottum danshóp frá félagsstarfi eldri borgara í Hafnarfirði. Dansatriðið myndaði frábæra stemningu sem entist út kvöldið eða þar til ballinu lauk.

Dagskrá kvöldsins var sjónvarpað á Hrafnisturásinni upp á deildar til þeirra sem ekki sáu sér fært að fara á sjálft blótið.

Föstudaginn 29. janúar var þorrinn blótaður með öllu tilheyrandi á Hrafnistu í Reykjanesbæ. Harmonikkufélag Suðurnesja sá um að skemmta fólkinu á bæði Nesvöllum og Hlévangi á meðan borðaður var gómsætur þorramatur. Annríki sýndi þjóðbúninga og vakti það mikla lukku. 

Þorrablót Hrafnistu í Hafnarfirði fer fram föstudaginn 5. febrúar nk.

Skráning og miðakaup

Ókeypis er fyrir heimilisfólk og gesti í hvíldarinnlögn. Hverjum og einum býðst að bjóða með sér einum gest á blótið.

Verð fyrir gest er kr. 4.000.-

Verð fyrir meðlimi í DAS-klúbbnum og fólk í dægradvöl er kr. 3.000.- (meðlimir í DAS-klúbbnum geta ekki boðið með sér gest).

Skráning og miðakaup verða í versluninni á Hrafnistu Hafnarfirði til hádegis miðvikudaginn 3. febrúar. 

Sjá nánari auglýsingu hér